प्रधानमन्त्री सुशीला कार्कीले आफ्नो मातहतका सबै सचिवहरूलाई सेवाप्रवाह सुचारु र भ्रष्टाचार नियन्त्रणलाई मुख्य प्राथमिकतामा राखेर काम गर्न कडा निर्देशन दिएकी छन्। सिंहदरबारमा आयोजित बैठकमा प्रधानमन्त्री तथा मन्त्रिपरिषद् कार्यालयसहित सात मन्त्रालयका सचिवहरूसँग उनले ‘नतिजामुखी प्रशासन’ निर्माणमा जोड दिइन्।
बैठकमा उनले मन्त्री नहुँदा काम रोकिने अवस्था नआओस् भनेर आवश्यक अधिकार सचिवहरूलाई प्रत्यायोजन गरिएको र आवश्यकता भए अझै अधिकार दिन तयार रहेको स्पष्ट गरिन्। उनले भने, “काम रोकिने कुनै बहाना मानिँदैन, जिम्मेवारी तपाईँहरूकै काँधमा छ।”
प्रधानमन्त्री कार्कीले जेनजी आन्दोलनले उठाएका छिटोछरितो र पारदर्शी सेवा प्रवाहका अपेक्षाअनुसार ब्युरोक्रेसीले सक्रियता देखाउनुपर्ने बताइन्। उनले ब्युरोक्रेसीलाई ‘स्थायी सरकार’ भन्दै अनुभव, दक्षता र विशेषज्ञता प्रयोग गरेर परिणाम देखाउन आग्रह गरिन्।
उनले थपे, “मन्त्रीको अनुपस्थितिले फाइल थुनिनु हुँदैन। रोकिएका काम तुरुन्त अघि बढाउनुहोस्। ठीक निर्णय गर्न म सहयोग गर्छु, तर काम गर्ने तपाईँहरू नै हो।”
बैठकमा प्रधानमन्त्रीले कुनै पनि प्रकारको आलटाल र बहानाबाजी नसहने चेतावनी पनि दिएकी थिइन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
