अवैध रूपमा क्रिप्टो करेन्सीको कारोबार गरेको आरोपमा प्रहरीले काठमाडौँ–१५ डल्लु बस्ने मोहम्मद सेफलाई पक्राउ गरेको छ।
जिल्ला प्रहरी परिसर काठमाडौँका सूचना अधिकारी पवनकुमार भट्टराईका अनुसार, बारा कलैया नगरपालिका घर भई काठमाडौँ बस्दै आएका सेफले अभौतिक मुद्रा (क्रिप्टो करेन्सी)को कारोबार गर्दै आएको सूचना प्राप्त भएको थियो। सोही आधारमा उनलाई नियन्त्रणमा लिइएको हो।
पक्राउको क्रममा प्रहरीले सेफको प्रयोगमा रहेका दुई थान मोबाइलसमेत नियन्त्रणमा लिएको जनाएको छ। प्रारम्भिक अनुसन्धानमा सेफले १९ करोड ८१ लाख ४९ हजार ५ सय ८१ रुपैयाँभन्दा बढी बराबरको क्रिप्टो कारोबार गरेको पाइएको छ।
अधिकारिहरूका अनुसार, अभौतिक मुद्रा प्रयोगसम्बन्धी कानुन उल्लङ्घन भएकाले जिल्ला अदालतबाट पाँच दिनको म्याद थप गरी अनुसन्धान जारी राखिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
