साङ्घाई सहयोग संगठन (एससिओ)को शिखर सम्मेलनमा भाग लिन चीनको थियानजिन पुगेका प्रधानमन्त्री केपी शर्मा ओली र चीनका राष्ट्रपति सी चिनफिङबीच दुई पक्षीय भेटवार्ता सम्पन्न भएको छ।
थियानजिन अतिथि गृहमा भएको भेटवार्तामा दुवै नेताबीच आपसी सम्बन्ध, क्षेत्रीय सहयोग र पारस्परिक चासोका विषयमा छलफल भएको जनाइएको छ।
राष्ट्रपति सीको मैत्रीपूर्ण निमन्त्रणामा नेपाली प्रतिनिधिमण्डलको नेतृत्व गर्दै प्रधानमन्त्री ओली हिमालय एयरलाइन्सको विशेष विमानमार्फत आज बिहान थियानजिन पुगेका थिए। विमानस्थलमा उनलाई चीन सरकारका उच्च अधिकारी, नेपालका लागि चीनका राजदूत डा. कृष्णप्रसाद ओली र चीनका लागि नेपालका राजदूत चेन सोङले स्वागत गरेका थिए।
प्रधानमन्त्री ओलीको यस भ्रमणलाई नेपाल–चीन सम्बन्धलाई थप सुदृढ बनाउने अवसरका रूपमा हेरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
