२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

नेकपा (विप्लव) नेतृत्वको केन्द्रीय समितिको तेस्रो विशेष बैठकले सुशीला कार्की नेतृत्वको अन्तरिम सरकार खारेज गर्नुपर्ने निर्णय गरेको छ। पार्टीले जारी गरेको विज्ञप्तिमा उक्त सरकारले आन्दोलन र विद्रोहको मर्मलाई प्रतिनिधित्व गर्न नसकेको भन्दै नयाँ सर्वपक्षीय अन्तरिम सरकार गठनको माग गरेको छ।

बैठकपछि सार्वजनिक गरिएको निर्णयमा भनिएको छ, “जेनजी आन्दोलन र जनविद्रोहको बलमा बनेको भनिए पनि यो अन्तरिम सरकार जनआकांक्षा र वास्तविक निकाससँग मेल खाँदैन।” पार्टीले किसान, मजदुर, महिला, दलित, मधेसी, जनजाति, बुद्धिजीवी र राजनीतिक शक्तिहरू सम्मिलित सरकार गठन गरेर देशलाई नयाँ दिशातिर लैजानुपर्ने बताएको छ।

विज्ञप्तिमा संविधानको पुनर्लेखन, राज्य पुनःसंरचना र प्रत्यक्ष कार्यकारी प्रमुखको व्यवस्था अनिवार्य रहेको उल्लेख छ। पार्टीको भनाइ छ — उत्पीडित जातिहरूको अग्राधिकारसहितको समाजवादी संघीय राज्य निर्माण नगरेसम्म देशले स्थायी समाधान पाउँदैन।

नेकपाले नयाँ बन्ने अन्तरिम सरकारले विशेष परिस्थितिमा कार्यकारी अधिकार प्रयोग गर्दै संविधान संशोधन गर्नुपर्ने पनि माग गरेको छ। “उच्चस्तरीय संविधान लेखन आयोग गठन गरी समाजवादी संघीय राज्यको आधार निर्माण गर्नुपर्छ,” विज्ञप्तिमा भनिएको छ।

पार्टीले देशलाई राजनीतिक अनिश्चितता र भ्रमबाट निकाल्न क्रान्तिकारी जनआन्दोलनको मर्म अनुसारको राजनीतिक संरचना आवश्यक रहेको निष्कर्ष निकालेको छ।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय