नेकपा एमालेले आगामी एघारौँ महाधिवेशनको तयारीका लागि कार्तिक १५ गते केन्द्रीय सचिवालय बैठक बोलाएको छ । बैठकले महाधिवेशनसम्बन्धी मुख्य निर्णयहरू गर्ने पार्टी स्रोतले जनाएको छ ।
असोज २९ देखि ३१ गतेसम्म बसेको केन्द्रीय कमिटी बैठकले एघारौँ महाधिवेशन पोखरामा कार्तिक २७ देखि २९ गतेसम्म गर्ने निर्णय गरिसकेको छ । अब सचिवालय बैठकले त्यसको विस्तृत कार्ययोजना तय गर्नेछ ।
पार्टीका कार्यालय सचिव डा. भीष्म अधिकारीका अनुसार बैठकले महाधिवेशन प्रतिनिधि छनोटको विधि, उपसमिति गठन, नारासहितको लोगो तय गर्ने र स्थानीय आयोजकसँग समन्वयका विषयमा निर्णय गर्नेछ । उनका अनुसार बैठकपछि महाधिवेशन तयारीको पूर्ण खाका सार्वजनिक गरिनेछ ।
यसैबीच, गण्डकी प्रदेश कमिटी, कास्की जिल्ला कमिटी र पोखरा महानगर कमिटीले प्रारम्भिक तयारी सुरु गरिसकेका छन् । भदौ २४ गतेको आगलागीपछि च्यासलस्थित एमाले केन्द्रीय कार्यालय पालमुनी अस्थायी रूपमा सञ्चालन भइरहेको छ, जहाँबाट महाधिवेशन तयारीसमेत तीव्र रूपमा अगाडि बढाइएको अधिकारीले जानकारी दिए ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
