मधेश प्रदेशको बारास्थित सिमरा बिहीबार पनि तनावग्रस्त बनेको छ। बुधबार नेकपा एमाले कार्यकर्ता र जेनजी युवाबीच भएको झडपको असर आज पनि देखिँदा स्थानीय प्रशासनले फेरि कर्फ्यु जारी गरेको हो।
जिल्ला प्रशासन कार्यालय बाराले दिउँसो १ बजेदेखि राति ८ बजेसम्मका लागि कर्फ्यु आदेश जारी गर्दै सिमरा आसपासमा गतिविधि पूर्ण रूपमा रोकिएको जनाएको छ। कर्फ्यु क्षेत्र बीरगञ्ज–पथलैया सडकखण्डको पथलैया चोक दक्षिणदेखि जितपुर लल्का पुलसम्म, दायाँ–बायाँ ५०० मिटर क्षेत्र, साथै सिमरा विमानस्थल वरिपरि समेत लागू गरिएको छ।
जेनजी युवामाथि एमाले कार्यकर्ताले कुटपिट गरेको आरोपप्रति कारबाहीको माग गर्दै बिहीबार बिहानैदेखि प्रदर्शन सुरु भएको थियो। युवाहरूले सडकमा टायर जलाउँदै विरोध जनाएपछि स्थिति फेरि आक्रामक बन्दै गएको हो।
स्थिति नियन्त्रणमा लिन प्रहरीले दर्जनौँ सुरक्षाकर्मी परिचालन गरेको छ। मुख्य सडकमा प्रदर्शन जारी रहँदा केही स्थानमा प्रहरी र प्रदर्शनकारीबीच झडपसमेत भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
