प्रतिनिधिसभा सदस्य निर्वाचन नजिकिँदै गर्दा सार्वजनिक बिदाबारे चासो बढेको छ। यस सम्बन्धमा निर्वाचन आयोगका प्रवक्ता नारायणप्रसाद भट्टराईले कति दिन बिदा दिने भन्ने विषयमा छलफल भइरहेको बताएका छन्।
आइतबार हिमालप्रेससँगको जिज्ञासामा प्रवक्ता भट्टराईले भने, “यस विषयमा छलफल भइरहेछ, छिट्टै निर्णयमा पुग्नेछौं।”
फागुन २१ गते देशभर एकैचरणमा प्रतिनिधिसभा सदस्य निर्वाचन हुँदैछ। अधिकांश विद्यालय मतदान केन्द्र बनेकाले बिदा व्यवस्थापनबारे सरकार र आयोगबीच परामर्श भइरहेको छ।
२०७९ सालमा सम्पन्न प्रतिनिधिसभा तथा प्रदेशसभा निर्वाचनमा आयोगले तीन दिन सार्वजनिक बिदा दिने प्रस्ताव गरेको थियो। मतदान सामग्री व्यवस्थापन, कर्मचारी खटाउने व्यवस्था र मतदाताको सहज आवतजावतलाई ध्यानमा राख्दै ती तीन दिनको बिदा दिइएको थियो।
यसअनुसार यसपटक पनि अघिल्लो अभ्यास दोहोर्याउँदै तीन दिन सार्वजनिक बिदा दिइने सम्भावना रहेको छ।
