नेकपा एमालेका अध्यक्ष केपी शर्मा ओलीलाई स्वास्थ्य परीक्षणपछि महाराजगन्जस्थित नेपाल प्रहरीको २ नम्बर गणमा राखिने भएको छ।

प्रहरीका अनुसार पक्राउ लगत्तै उनलाई भद्रकालीस्थित जिल्ला प्रहरी परिसर, काठमाडौंमा ल्याइएको थियो। प्रारम्भिक प्रक्रिया पूरा गरेपछि अब उनलाई अर्को व्यवस्थापनका लागि २ नम्बर गणमा सार्ने तयारी गरिएको हो।

जिल्ला प्रहरी परिसर काठमाडौंका प्रमुख एसएसपी रमेश थापाले ओलीलाई स्वास्थ्य परीक्षणपछि सोही गणमा राखिने जानकारी दिएका छन्। प्रहरीले उनको सुरक्षासहित आवश्यक कानुनी प्रक्रिया अघि बढाइरहेको जनाएको छ।