२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

प्रधानमन्त्री केपी शर्मा ओली आगामी भदौ १४ गते चीनको औपचारिक भ्रमणमा प्रस्थान गर्ने भएका छन्। चारदिने यस भ्रमणअन्तर्गत उनी भदौ १८ गतेसम्म चीनमा रहने कार्यक्रम रहेको प्रधानमन्त्रीको सचिवालयले जनाएको छ।

भ्रमणको क्रममा प्रधानमन्त्री ओलीले भदौ १८ गते चिनियाँ राष्ट्रपति सी जिनपिङसँग भेटवार्ता गर्ने छन्। त्यसै दिन राष्ट्रपति सी जिनपिङले आयोजना गर्ने दिवा भोजमा सहभागी भएर उनी साँझ काठमाडौं फर्कने कार्यक्रम तय भएको छ।

प्रधानमन्त्री ओलीको चीन यात्रा सांघाई अर्गनाइजेशन फर कोअपरेसन (एससीओ) को सम्मेलनमा विशेष वक्ताका रूपमा सम्बोधन गर्नका लागि हुने भएको हो। सम्मेलन यही अगस्त ३१ देखि सेप्टेम्बर १ सम्म चीनको तियानजिन शहरमा आयोजना हुँदैछ। नेपाल सन् २०२० देखि एससीओको संवाद साझेदार राष्ट्रको रूपमा रहेको छ।

एससीओमा हाल बेलारुस, चीन, भारत, इरान, काजाकिस्तान, किर्गिस्तान, पाकिस्तान, रूस, ताजिकिस्तान र उज्बेकिस्तान गरी १० सदस्य राष्ट्र छन्। यस्तै, नेपालसहित टर्की, श्रीलंका, अजरबैजान, अर्मेनिया, कम्बोडिया, इजिप्ट, कतार, साउदी अरेबिया र संयुक्त अरब इमिरेट्स गरी १४ संवाद साझेदार राष्ट्र रहेका छन्। यसपटकको शिखर सम्मेलनमा नेपालबाट उच्चस्तरको सहभागिता पहिलोपटक हुन लागेको हो।

सम्मेलनमा भारतीय प्रधानमन्त्री नरेन्द्र मोदी, रुसी राष्ट्रपति भ्लादिमिर पुटिनलगायत सदस्य राष्ट्रका शीर्ष नेताहरूको सहभागिता रहनेछ। चीनले भारतीय प्रधानमन्त्री मोदीको उपस्थितिलाई उच्च प्राथमिकतामा राखेको जनाइएको छ।

प्रधानमन्त्री ओलीको भदौको अन्त्यतिर भारतको औपचारिक भ्रमण गर्ने कार्यक्रम पनि तय भएको छ। भारत यात्रा अघि चीन भ्रमण हुन लागेको हो।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय