अन्तरिम सरकारका प्रधानमन्त्री सुशीला कार्कीले राजनीतिक दलहरूलाई परिवर्तन आत्मसाथ गर्दै अगाडि बढ्न आग्रह गरेकी छन्। राष्ट्रपति रामचन्द्र पौडेलले आह्वान गरेको संसदमा प्रतिनिधित्व गर्ने दलहरूको बैठकमा बोल्दै उनले दलहरूको सहभातिविना निष्पक्ष निर्वाचन सम्भव नहुने प्रष्ट पारिन्।
प्रधानमन्त्री कार्कीले जेनजी आन्दोलनका क्रममा व्यक्त असन्तुष्टि बुझेर सबै पक्षले सकारात्मक दृष्टिकोण अपनाउनुपर्ने बताए। उनले स्वतन्त्र, निष्पक्ष र भयरहित निर्वाचन सुनिश्चित गर्न सरकारले शान्ति–सुरक्षाको समुचित व्यवस्था गर्ने आश्वासन पनि दिइन्।
बैठकमा सहभागी एमाले र कांग्रेसका नेताहरूले भने निर्वाचन अघि सुरक्षा चुनौती र व्यवस्थापनबारे प्रश्न उठाए। उनीहरूले भदौ २४ गते लुटिएका प्रहरी हतियार र जेलबाट भागेका कैदी–बन्दीलाई बाहिर राखेर निर्वाचन कसरी सम्भव हुने भन्ने विषयमा सरकारलाई स्पष्ट जवाफ मागे।
प्रधानमन्त्री कार्कीले यी सबै विषयलाई सम्बोधन गर्दै दलहरूलाई संयमित, संवेदनशील र लोकतान्त्रिक दृष्टिकोण अपनाएर निर्वाचनतर्फ अघि बढ्न जोड दिइन्। बैठकमा अन्तरिम सरकारका सबै मन्त्री पनि सहभागी थिए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
