नेकपा एमालेका महासचिव शंकर पोखरेलले देशलाई सही मार्गमा फर्काउने समय आएको बताएका छन्। उनले सामाजिक सञ्जालमार्फत शुक्रबार यस सन्देश प्रवाह गर्दै आगामी कार्यक्रमबारे जानकारी दिएका छन्।
पोखरेलका अनुसार, एमालेले आज राष्ट्रिय स्वयंसेवक फोर्सको गठन गर्दै भोलि मंसिर ६ गते काठमाडौँमा व्यापक जनप्रदर्शन गर्ने तयारीमा रहेको छ। उनले यसलाई आफ्नो कर्तव्य र अधिकारको हिस्सा भएको बताएका छन्।
‘अब समय आएको छ– देशलाई सही दिशामा फर्काउने। मंसिर ५ गते राष्ट्रिय स्वयंसेवक फोर्स गठन र मंसिर ६ गते काठमाडौँमा व्यापक जनप्रदर्शन– हाम्रो कर्तव्य, हाम्रो अधिकार,’ महासचिव पोखरेलले भने।
साथै उनले शान्ति, सुरक्षा र लोकतन्त्रको संरक्षणका लागि सबै एकताबद्ध भएर अघि बढ्न पनि जनता तथा कार्यकर्तालाई आग्रह गरेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
