नेपाल स्टक एक्सचेन्ज (नेप्से) परिसूचक आज ३०.७६ अंकले बढ्दै ३,००२.०७ विन्दुमा पुग्न सफल भएको छ। नेप्से १.०३ प्रतिशतले उकालो लागेको हो।
आज देशभरका ३२१ कम्पनीको कुल ४ करोड १८ लाख ८ हजार ९६६ कित्ता शेयर एक लाख ५७ हजार ५२५ पटक खरिदबिक्री हुँदा कुल कारोबार रकम १८ अर्ब ५२ करोड ९३ लाख २२ हजार ८८५ रुपैयाँ पुगेको छ।
उपसमूहगत रूपमा हेर्दा विकास बैंक, वित्त र व्यापार समूहको उपसूचकमा गिरावट देखिएको छ भने बाँकी सबै समूहको सूचक बढेको छ।
कारोबारको आकर्षण भने मुक्तिनाथ एग्रो, ट्रेड टावर लिमिटेड, सान्भी इनर्जी लिमिटेड र नेडेप लघुवित्तले जमाएका छन्, जसको शेयरमा सकारात्मक सर्किट लागेको हो।
त्यसैगरी, सबैभन्दा धेरै मूल्य घट्नेमा समता घरेलु लघुवित्त वित्तीय संस्था लिमिटेड पर्यो, जसको शेयर ८.६० प्रतिशतले घटेको छ।
कारोबार रकमका आधारमा आजको अग्रस्थानमा हिमालयन डिस्टिलरी लिमिटेड रहेको छ, जसको ६४ करोड ४१ लाख ३८ हजार रुपैयाँ बराबरको शेयर किनबेच भएको छ।
शेयर संख्याको हिसाबले सबैभन्दा बढी कारोबार प्रभु बैंक लिमिटेडको भएको छ, जसको १८ लाख ५८ हजार २२३ कित्ता शेयर कारोबार भयो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
