२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

राष्ट्रिय स्वतन्त्र पार्टी (रास्वपा) ले सुशासन, द्रुत विकास र वैकल्पिक राजनीतिक धार सिर्जनाको लक्ष्यसहित संगठन पुनर्संरचना र विस्तारका कामलाई तीव्र बनाएको छ। मंगलबार बसेको सचिवालय बैठकले देशभरका सबै पालिकामा ‘र्यापिड एक्सन टिम’ बनाउने निर्णय गर्दै समान सोच भएका वैकल्पिक शक्तिहरूलाई एक ठाउँमा उभिन खुलेर आह्वान गरेको छ।

बैठकमा उच्च संवाद समितिले विभिन्न दल, समूह र व्यक्तिहरूसँग भइरहेको राजनीतिक संवादको प्रगतिबारे विस्तृत ब्रिफिङ प्रस्तुत गरेको थियो। सम्भावित राजनीतिक ध्रुवीकरण र नयाँ सहकार्यको सम्भावनालाई व्यवस्थित रूपमा अघि बढाउन सचिवालयले आवश्यक समन्वय गर्ने निर्णय भएको रास्वपाले जनाएको छ।

आगामी निर्वाचनलाई केन्द्रमा राख्दै पार्टीले सांगठनिक जिम्मेवारीमा व्यापक हेरफेर सुरु गरेको छ। यसअन्तर्गत प्रदेश इन्चार्जमा रहेर काम गर्दै आएका सचिवालय सदस्यहरूलाई त्यस भूमिकाबाट मुक्त गर्दै चुनावमुखी गतिविधिमा सक्रिय रूपमा परिचालन गरिने भएको छ। अब प्रदेश इन्चार्जको जिम्मेवारी केन्द्रीय सदस्यहरूले सम्हाल्नेछन्।

संगठन सुदृढीकरणका लागि सबै पालिकामा गठन गरिने र्यापिड एक्सन टिमलाई प्रदेश तथा जिल्ला संरचनाले मार्गनिर्देशन गर्नेछ। अभियानलाई देशव्यापी रूपमा प्रभावकारी बनाउँदै वैकल्पिक राजनीतिक शक्तिको साझा मोर्चा निर्माण गर्ने पार्टीको लक्ष्य देखिएको छ।

यस्तै, कार्यसम्पादन मूल्यांकन प्रतिवेदनका आधारमा कीर्तिपुर नगर समिति पार्टी विधानको धारा ७० अनुसार विघटन गरिएको छ। पार्टीका केन्द्रीय अनुशासन आयोग, निर्वाचन आयोग र लेखा आयोगमा रहेका रिक्त पदहरू पूर्तिका लागि योग्य व्यक्तिहरूको नाम सिफारिस गर्न केन्द्रीय सदस्यहरूलाई अनुरोध गरिएको बताइएको छ।

रास्वपाले वैकल्पिक राजनीति सुदृढ बनाउन संगठनात्मक एकता र नयाँ ऊर्जा आवश्यक रहेको भन्दै सबै समान मतधाराका राजनीतिक समूहलाई सहकार्यतर्फ उन्मुख हुन आग्रह गरेको छ।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय