नेपाल राष्ट्र बैंकले आजको विदेशी विनिमयदर सार्वजनिक गरेको छ, जसअनुसार प्रमुख अन्तर्राष्ट्रिय मुद्राहरूको मूल्य फेरि उतार–चढाव देखिएको छ। अमेरिकी डलरदेखि लिएर खाडी देशका मुद्रासम्म सबैको खरिद–बिक्री दर अद्यावधिक गरिएको हो।

केन्द्रीय बैंकले प्रकाशित दर अनुसार अमेरिकी डलर एकको खरिददर १४३ रुपैयाँ ६८ पैसा र बिक्रीदर १४४ रुपैयाँ २८ पैसा तोकिएको छ। युरोपेली बजारको मुद्रा ‘युरो’ को मूल्य पनि आज केही उच्च देखिएको छ। युरो एकको खरिददर १६७ रुपैयाँ २८ पैसा र बिक्रीदर १६७ रुपैयाँ ९८ पैसा छ।

बेलायती पाउण्ड स्टर्लिङ आज पनि महँगोको सूचिमै राखिएको छ। पाउण्ड एकका लागि १९१ रुपैयाँ ५३ पैसा खरिददर तथा १९२ रुपैयाँ ३३ पैसा बिक्रीदर तोकिएको छ। स्वीस फ्रयाङ्कको मूल्य पनि उल्लेखनीय रूपमा उक्लिएको छ खरिददर १७८ रुपैयाँ ५७ पैसा, बिक्रीदर १७९ रुपैयाँ ३२ पैसा।

अष्ट्रेलियन र क्यानेडियन डलर दुवै स्थिर देखिएका छन्। अष्ट्रेलियन डलर एकको खरिददर ९५ रुपैयाँ ४० पैसा, क्यानेडियन डलरको खरिददर १०४ रुपैयाँ कायम गरिएको छ। त्यस्तै, सिङ्गापुर डलर एकका लागि ११० रुपैयाँ ८६ पैसा खरिददर तोकिएको छ।

एसियाली मुद्रातिर हेर्दा जापानी येन १० को खरिददर ९ रुपैयाँ २५ पैसा र चिनियाँ युआन एकको २० रुपैयाँ ३२ पैसा तोकिएको छ। खाडी राष्ट्रका रियालहरू साउदी, कतारी र ओमानी आज पनि तुलनात्मक रूपमा स्थिर रहे। साउदी रियालको खरिददर ३८ रुपैयाँ २८ पैसा, कतारी रियालको ३९ रुपैयाँ ४३ पैसा निर्धारण गरिएको छ।

थाइ भाटदेखि लिएर मलेसियन रिङ्गेट, कोरियन वन, स्वीडिस र डेनिस क्रोनरसम्म सबै मुद्राको दर अद्यावधिक गरिएको छ। त्यस्तै, उच्च मूल्यका मुद्राहरू कुवेती दिनार, बहराइन दिनार र ओमानी रियाल आज पनि सर्वाधिक महँगो भुक्तानी सूचिमा रहेका छन्। कुवेती दिनार एकको खरिददर ४६८ रुपैयाँ ०६ पैसा, बहराइन दिनारको ३८१ रुपैयाँ ११ पैसा, र ओमानी रियालको ३७३ रुपैयाँ १८ पैसा तोकिएको छ।

नेपाल–भारतबीचको व्यापारलाई सिधै असर गर्ने भारतीय रुपैयाँ एक सयको खरिददर भने १६० रुपैयाँ कायम गरिएको छ।

राष्ट्र बैंकका अनुसार यो दर आवश्यक परेमा कुनै पनि बेला समायोजन गर्न सकिने छ। साथै, वाणिज्य बैंकहरूले लागू गर्ने दरमा केही अन्तर हुन सक्ने हुँदा अद्यावधिक जानकारी राष्ट्र बैंकको वेबसाइटमा हेर्न सुझाव दिइएको छ।