उज्यालो नेपाल पार्टीले आफ्नो अस्तित्व मासेर कुनै पनि पार्टीसँग एकतामा नजाने निर्णय गरेको छ। शुक्रबार बसेको केन्द्रीय समिति बैठकले आत्मसमर्पण गरेर एकतामा जान नहुने निष्कर्ष निकालेको हो।
बैठकमा पार्टीका संरक्षक कुलमान घिसिङले रास्वपासँग भएको एकता छलफलको अवस्थाबारे ब्रिफिङ गरेका थिए। उनका अनुसार रास्वपाले कुलमान र बालेन शाह पनि आउँदैछन् भन्ने सन्देश फैलाएर आफ्नो शक्ति विस्तार गर्न खोजेको देखिएको छ, तर उज्यालो नेपाल पार्टीको अस्तित्व स्वीकार गर्न तयार नभएको बताएका छन्।
बैठकमा अधिकांश नेताहरूले अस्तित्व स्वीकार नभए एक्लै चुनावमा जानुपर्ने धारणा राखेका छन्। उनीहरूको बुझाइमा एक्लै चुनावमा जाँदा यसपटक कि सिकाइ हुन्छ कि जित हासिल हुन्छ।
कुलमान घिसिङले रास्वपाबाट काठमाडौं महानगरका मेयर बालेन शाहमाथि पनि धोका हुन सक्ने आशंका व्यक्त गरेका छन्। उनले बालेनले रवि लामिछानेसँग पाँच वर्ष प्रधानमन्त्रीको ग्यारेन्टी मागेको तर त्यो प्रस्ताव अहिलेसम्म स्वीकार नभएको बताए। रास्वपाले बालेनलाई औपचारिक रूपमा प्रधानमन्त्रीको उम्मेदवार बनाउने निर्णय पनि नगरेको उनको भनाइ छ।
यद्यपि बैठकले सहअस्तित्व सुनिश्चित हुने गरी एकताको पक्षमा भने प्रतिबद्ध रहने निर्णय गरेको छ। आवश्यक सहकार्यका लागि सबै वैकल्पिक र अग्रगामी राजनीतिक दललाई आह्वान गर्ने र एकताको संवाद अघि बढाउन पार्टी अध्यक्षलाई अधिकार दिने निर्णय पनि गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
