आसन्न प्रतिनिधिसभा निर्वाचनका लागि रौतहटमा एक मतदानस्थलसहित १८ वटा मतदान केन्द्र थप गरिएको छ। आगामी फागुन २१ गते हुने निर्वाचनमा मतदातालाई थप सहज बनाउन केन्द्र र स्थल संख्या बढाइएको जिल्ला निर्वाचन कार्यालयले जनाएको छ।
जिल्ला निर्वाचन कार्यालय रौतहटका प्रमुख छोटेलाल दासका अनुसार २०७९ सालको प्रतिनिधिसभा निर्वाचनमा जिल्लामा ५२३ मतदान केन्द्र रहेकामा यसपटक १८ वटा थपिएर ५४१ पुगेका छन्।
त्यसैगरी, अघिल्लो निर्वाचनमा २७६ मतदानस्थल रहेकोमा यस वर्ष एउटा थप भएर २७७ पुगेको छ। नयाँ मतदानस्थल गरुडा नगरपालिका–६ मा थप गरिएको हो।
जिल्लामा यसपटक २१ हजार १५६ जना मतदाता थपिएका छन्। हाल रौतहटमा कुल ४ लाख ३६ हजार ६ सय ११ जना मतदाता रहेको जिल्ला निर्वाचन कार्यालयले जनाएको छ।
२०७९ को प्रतिनिधिसभा निर्वाचनमा जिल्लामा ४ लाख १५ हजार ४ सय ५५ मतदाता थिए। मतदाता संख्या बढेसँगै मतदानस्थल र मतदान केन्द्र पनि थपिएको कार्यालयले जनाएको छ।
रौतहट जिल्लामा दुई गाउँपालिका र १६ नगरपालिका छन्। जिल्लामा चार वटा प्रतिनिधिसभा निर्वाचन क्षेत्र र १५७ वडा रहेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
