रुकुम पश्चिममा प्रगतिशील लोकतान्त्रिक पार्टीका उम्मेदवार जनार्दन शर्मालाई उज्यालो नेपाल पार्टीले समर्थन जनाएको छ।
उज्यालो नेपाल पार्टीका उम्मेदवार नरेन्द्र केसीले आफ्नो उम्मेदवारी निष्क्रिय पार्दै शर्मालाई समर्थन गर्ने घोषणा गरेका हुन्।
नेकपाका संयोजक पुष्पकमल दाहालसँगको साथ छाडेपछि शर्मा पहिलो पटक चुनावी मैदानमा उत्रिएका हुन्। तत्कालीन माओवादी केन्द्रबाट उनले ०६४ सालदेखि लगातार चुनाव जित्दै आएका थिए।
रुकुम पश्चिममा एमालेका नन्दराम देवकोटा, कांग्रेसका राजु केसी, नेपाली कम्युनिस्ट पार्टी (नेकपा)का गोपाल शर्मा र राष्ट्रिय स्वतन्त्र पार्टीका मानबहादुर शाहीसहित अन्य उम्मेदवार चुनावी प्रतिस्पर्धामा छन्। शर्मालाई एमालेको पनि समर्थन रहेको जनाइएको छ।
