आईसीसी टी२० विश्वकप २०२६ अन्तर्गत पहिलो सेमिफाइनल खेल आज हुँदैछ। बुधबार हुने पहिलो सेमिफाइनलमा दक्षिण अफ्रिका राष्ट्रिय क्रिकेट टोली र न्युजिल्यान्ड राष्ट्रिय क्रिकेट टोली आमनेसामने हुँदैछन्। खेल कोलकातास्थित इडेन गार्डेन मा बेलुकी सवा ७ बजेदेखि सुरु हुनेछ। दक्षिण अफ्रिका सुपर ८ बाट समूह ‘ए’को विजेता बन्दै सेमिफाइनलमा पुगेको हो।
सुपर ८ मा दक्षिण अफ्रिकाले जिम्बाब्वे राष्ट्रिय क्रिकेट टोली लाई ५ विकेटले र वेस्ट इन्डिज राष्ट्रिय क्रिकेट टोली लाई ९ विकेटले पराजित गरेको थियो। साथै भारत राष्ट्रिय क्रिकेट टोली विरुद्ध ७६ रनको जित निकालेको थियो।
न्युजिल्यान्ड सुपर ८ को उपविजेता बन्दै सेमिफाइनलमा प्रवेश गरेको हो। सुपर ८ मा उसले एक खेल जितेको थियो। इंग्ल्यान्ड राष्ट्रिय क्रिकेट टोली सँग ४ विकेटले पराजित हुँदा श्रीलंका राष्ट्रिय क्रिकेट टोली लाई ६१ रनले हराएको थियो। वर्षाका कारण पाकिस्तान राष्ट्रिय क्रिकेट टोली सँगको खेल रद्द भएको थियो।
दक्षिण अफ्रिका र न्युजिल्यान्डबीच पछिल्लो पाँच भेटमा न्युजिल्यान्डले तीन खेल जित्दा दक्षिण अफ्रिकाले दुई खेल जितेको छ। आजको खेलमा विजयी हुने टोलीले बिहीबार हुने दोस्रो सेमिफाइनलमा भारत र इंग्ल्यान्डबीचको विजेता टोलीसँग आइतबार फाइनल खेल्नेछ।
