प्रतिनिधि सभा सदस्य निर्वाचन अन्तर्गत चितवन क्षेत्र नम्बर २ बाट राष्ट्रिय स्वतन्त्र पार्टी (रास्वपा) का सभापति रवि लामिछाने पुनः निर्वाचित भएका छन्।
घोषित मतपरिणाम अनुसार लामिछानेले ५४ हजार ४०२ मत प्राप्त गर्दै विजयी भएका हुन्।
उनका निकटतम प्रतिस्पर्धी नेपाली कांग्रेसकी उम्मेदवार मिना खरेलले १४ हजार ९३५ मत प्राप्त गरेकी छिन्। त्यस्तै नेकपा एमालेका अस्मिन घिमिरेले ६ हजार ९९५ मत ल्याएका छन्।
लामिछाने तेस्रो पटक चितवन–२ बाट प्रतिनिधिसभा सदस्यमा निर्वाचित भएका हुन्।
यसअघि २०८० सालमा भएको उपनिर्वाचनमा उनले ५४ हजार १७६ मत प्राप्त गरेका थिए। सो उपनिर्वाचनमा नेपाली कांग्रेसका उम्मेदवारले ११ हजार २१४ मत ल्याएका थिए भने एमालेका उम्मेदवारले १० हजार ९३६ मत प्राप्त गरेका थिए।
