२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

निर्वाचन आयोगले गत फागुन २१ गते सम्पन्न प्रतिनिधिसभा सदस्य निर्वाचनको परिणामसहितको समग्र प्रतिवेदन आज राष्ट्रपति रामचन्द्र पौडेललाई बुझाउने भएको छ।

आयोगका सहायक प्रवक्ता कुलबहादुर जिसीका अनुसार आज बिहान ११ः३० बजे समानुपातिकतर्फ निर्वाचित सांसदलाई प्रमाणपत्र प्रदान गरेपछि दिउँसो राष्ट्रपतिसमक्ष प्रतिवेदन बुझाइनेछ।

आयोगले समानुपातिक सांसदलाई प्रमाणपत्र वितरण गरेपछि बेलुकी ५ः३० बजे केन्द्रीय कार्यालयस्थित मिडिया सेन्टरमा पत्रकार सम्मेलन गर्ने तयारी पनि गरेको छ। निर्वाचन परिणामसहितको प्रतिवेदन राष्ट्रपतिलाई बुझाएपछि संविधानको धारा ७६ (१) अनुसार सरकार गठनका लागि आह्वान गर्ने प्रक्रिया अघि बढ्नेछ।

यसपटकको निर्वाचनमा राष्ट्रिय स्वतन्त्र पार्टी (रास्वपा) ले स्पष्ट बहुमत हासिल गरेको छ। दुई सय ७५ सदस्यीय प्रतिनिधिसभामा रास्वपाका १८२ सांसद निर्वाचित भएका छन्।

निर्वाचन आयोगले बिहीबार नै समानुपातिकतर्फ निर्वाचित ११० सांसदलाई प्रमाणपत्र वितरण गर्ने तयारी पूरा भएको जनाएको छ। कान्तिपथस्थित बहादुर भवनमा रहेको केन्द्रीय कार्यालयमा ‘क्लस्टर’ अनुसार प्रमाणपत्र वितरण गरिनेछ।

समानुपातिकतर्फ रास्वपाबाट ५७ सांसद निर्वाचित भएका छन् भने नेपाली कांग्रेसबाट २०, नेकपा एमालेबाट १६, नेकपाबाट ९, श्रम संस्कृति पार्टी र राप्रपाबाट चार–चार जना निर्वाचित भएका छन्।

त्यस्तै, पहिलो हुने निर्वाचित हुने प्रणालीतर्फ रास्वपा १२५, कांग्रेस १८, एमाले ९, नेकपा ८, श्रम संस्कृति पार्टी ३ तथा राप्रपा र स्वतन्त्र उम्मेदवारले एक–एक सिट जितेका छन्।

संवैधानिक व्यवस्थाअनुसार प्रतिनिधिसभामा पहिलो हुने निर्वाचित हुने प्रणालीबाट १६५ र समानुपातिकतर्फ ११० गरी कुल २७५ सदस्य रहने व्यवस्था छ।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय