निर्वाचन आयोगले प्रतिनिधि सभा निर्वाचनको प्रचारप्रसारका क्रममा भौतिक स्वरूपका चुनाव चिह्न प्रयोग नगर्न राजनीतिक दल र उम्मेदवारलाई आग्रह गरेको छ।
आयोगका अनुसार केही दल वा उम्मेदवारले धातु, काठ वा अन्य कडा सामग्रीबाट बनेका चुनाव चिह्न बोकी हिँड्ने गरेको गुनासो प्राप्त भएको छ। यस्तो कार्यले सार्वजनिक शान्ति र सुरक्षामा असर पार्न सक्ने भन्दै आयोगले त्यस्ता भौतिक चिह्न प्रयोग नगर्न निर्देशन दिएको हो।
आयोगले तोकिएको मापदण्डअनुसार कपडा, तुल, फ्लेक्स वा कागजमा छापिएको चुनाव चिह्न प्रयोग गर्न सकिने जनाएको छ। तर धातु, काठ वा यस्तै प्रकृतिका सामग्रीबाट बनेका चिह्न प्रयोग गर्दा सुरक्षा जोखिम बढ्ने भएकाले त्यस्तो कार्य नगर्न स्पष्ट गरेको छ।
निर्वाचन आचारसंहिता, २०८२ को दफा १३ को खण्ड (ड) अनुसार दलको झण्डा र चुनाव चिह्न तोकिएको मापदण्डअनुसार मात्र प्रयोग गर्न आयोगले आग्रह गरेको छ। मापदण्ड विपरीत कार्य गरेको पाइएमा आचारसंहिता उल्लंघन मानिने चेतावनीसमेत दिइएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
