नेपाली कांग्रेसका उपसभापति विश्वप्रकाश शर्माले सभापति गगन थापाले दिएको राजीनामा अस्वीकृत गरिने बताएका छन्।

सामाजिक सञ्जाल ‘एक्स’मार्फत धारणा सार्वजनिक गर्दै उपसभापति शर्माले केन्द्रीय कार्यसमिति बैठकमा सभापतिको राजीनामा पत्रसँगै राजीनामा अस्वीकृत गर्ने प्रस्ताव पेश गरिने जानकारी दिएका हुन्।

उनले सभापति थापाले पार्टी पराजयको नैतिक जिम्मेवारी लिने कुरा सकारात्मक भए पनि वर्तमान अवस्थामा पार्टीको नेतृत्व गर्दै स्थिति सम्हाल्नु नै मुख्य जिम्मेवारी रहेको उल्लेख गरेका छन्।

‘नैतिक जिम्मा लिन्छु भन्नु सकारात्मक हो, तर अहिलेको प्रधान दायित्व स्थिति सम्हाल्नु हो,’ शर्माले लेखेका छन्, ‘बैठकमा प्रारम्भिक समीक्षा, राजीनामा पत्र र राजीनामा अस्वीकृत गर्ने प्रस्ताव पेश हुनेछ।’

यसअघि सभापति गगन थापाले आफ्नो राजीनामा पत्र उपसभापति शर्मालाई बुझाएको बताइएको छ।