जेनजी आन्दोलनमा भएको हिंसात्मक दमनको आरोपमा पक्राउ परेका पूर्वप्रधानमन्त्री तथा एमाले अध्यक्ष केपी शर्मा ओलीलाई स्वास्थ्य परीक्षणका लागि त्रिवि शिक्षण अस्पताल, महाराजगन्ज लगिएको छ।

शनिबार बिहान भक्तपुरको गुन्डुस्थित निजी निवासबाटै नियन्त्रणमा लिइएका ओलीलाई सुरुमा काठमाडौँ जिल्ला प्रहरी परिसरमा राखिएको थियो। त्यसपछि स्वास्थ्य अवस्था जाँच गर्न प्रहरीले उनलाई टिचिङ अस्पताल पुर्‍याएको हो।

अस्पतालमा ओलीलाई ‘रेड जोन’मा राखिएको छ। स्रोतका अनुसार उनलाई २७ नम्बर बेडमा भर्ना गरिएको हो। ‘रेड जोन’मा गम्भीर वा विशेष निगरानी आवश्यक पर्ने बिरामीहरूको उपचार गरिन्छ।

प्रहरीका अनुसार उनको स्वास्थ्य परीक्षण चिकित्सकको निगरानीमा भइरहेको छ। पक्राउपछि आवश्यक प्रक्रिया अनुसार स्वास्थ्य जाँचका लागि अस्पताल लगिएको बताइएको छ।