नेकपा एमालेको सचिवालय बैठक सोमबार पार्टी कार्यालय च्यासलमा जारी रहेको छ।
जेन–जी आन्दोलनमा दमन गरेको आरोपमा पार्टी अध्यक्ष केपी शर्मा ओली पक्राउ परेपछि एमाले सचिवालय बैठक बसेको यो दोस्रो पटक हो। यसअघि शनिबार ओली पक्राउ परेकै दिन उपाध्यक्ष रामबहादुर थापा ‘बादल’को अध्यक्षतामा बसेको बैठकले विरोधका कार्यक्रमहरू तय गरेको थियो।
आजको बैठकमा पार्टीका आगामी कार्यक्रम तथा रणनीतिबारे विस्तृत छलफल भइरहेको एक नेताले जानकारी दिएका छन्। साथै, संसदीय दलको नेता चयन गर्ने विषय पनि बैठकको मुख्य एजेन्डा बनेको छ।
यसैबीच, प्रतिनिधिसभा सदस्य निर्वाचनबाट निर्वाचित सांसदहरूको पहिलो बैठक चैत १९ गते दिउँसो २ बजेका लागि बोलाइएको छ। सो बैठकलाई लक्षित गर्दै एमालेले संसदीय दलको नेता चयनको तयारी अघि बढाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
