नेकपा एमालेका सचिव महेश बस्नेत विरुद्ध शोभा पाठकले दायर गरेको रिट उच्च अदालतले खारेज गरेको छ।

उच्च अदालतका न्यायाधीश सोमकान्त मैनाली र केशव अधिकारीको संयुक्त इजलासले उक्त रिट खारेज गर्दै जिल्ला सरकारी वकिल कार्यालय काठमाडौंको निर्णयलाई सदर गरेको हो।

पाठकले बस्नेतविरुद्ध जबरजस्तीकरणको आरोप लगाउँदै मुद्दा दायर गरेकी थिइन्। यसअघि उनले जिल्ला प्रहरी परिसर काठमाडौंमा उजुरी पनि दिएकी थिइन्।

तर, पर्याप्त आधार नपुगेको ठहर गर्दै जिल्ला सरकारी वकिल कार्यालयले मुद्दा नचलाउने निर्णय गरेको थियो। सोही निर्णयविरुद्ध पाठक उच्च अदालत पुगेकी थिइन्।

उच्च अदालतको यस फैसलासँगै महेश बस्नेतविरुद्ध शोभा पाठकले लगाएको आरोप खारेज भएको छ।