प्रधानमन्त्री बालेन शाहविरुद्ध जिल्ला अदालत काठमाडौंमा दर्ता गर्न लगिएको गाली बेइज्जतीसम्बन्धी मुद्दा अदालत प्रशासनले अस्वीकार गरेको छ।

नेपाली कांग्रेसको भ्रातृ संगठन नेपाल विद्यार्थी संघ (नेविसंघ) का नेता विकल राईले दायर गर्न खोजेको रिट अदालत प्रशासनले दरपीठ गरिदिएको हो।

प्रधानमन्त्री शाहले सामाजिक सञ्जालमार्फत विद्यार्थीहरूलाई “स्लिपर सेल” भनेर सम्बोधन गरेको विषयलाई लिएर राई अदालत पुगेका थिए।

राईले उक्त अभिव्यक्तिले विद्यार्थी समुदायको मानमर्दन भएको दाबी गर्दै मुलुकी अपराध संहिता, २०७४ को दफा ३०६ र ३०७ अनुसार कारबाहीको माग गरेका थिए।

प्रधानमन्त्रीजस्तो जिम्मेवार पदमा बसेको व्यक्तिले प्रयोग गरेको शब्दले युवा तथा विद्यार्थीको अपमान गरेको भन्दै उनले कानुनी उपचार खोजिएको बताएका छन्।

“प्रधानमन्त्रीले फेसबुकमार्फत युवा र विद्यार्थीको मानमर्दन गरिरहँदा चुप बस्नु भनेको त्यो अपमान स्वीकार गर्नु हो,” भन्दै राईले अदालतमा रिट लिएर पुगेका थिए।

तर अदालत प्रशासनले उक्त निवेदन दर्ता नगरी दरपीठ गरेको हो।