पिलवस्तुमा यात्रुवाहक बस दुर्घटना हुँदा ३८ जना घाइते भएका छन्।

कपिलवस्तुको महाराजगंज नगरपालिका–४ बरइपुरस्थित तौलिहवा–बहादुरगंज हुलाकी सडकखण्डमा मंगलबार बिहान दुर्घटना भएको प्रहरीले जनाएको छ।

प्रहरीका अनुसार काठमाडौंबाट सुर्खेततर्फ जाँदै गरेको कर्णाली प्रदेश ०२–००१ ख १२६६ नम्बरको बस बिहान करिब सवा ३ बजे आफैं अनियन्त्रित भएर दुर्घटनामा परेको हो।

दुर्घटनामा घाइते भएका यात्रुमध्ये २ जनाको अवस्था गम्भीर रहेको प्रहरीले जनाएको छ। यस्तै १९ जनाको अवस्था मध्यम रहेको छ भने अन्य १७ जना सामान्य घाइते भएका छन्।

कपिलवस्तु प्रहरी प्रमुख एसपी मनोहर भट्टका अनुसार घाइते सबैलाई उद्धार गरेर विभिन्न अस्पतालमा उपचारका लागि पठाइएको छ।

प्रहरीले दुर्घटनाको कारणबारे थप अनुसन्धान भइरहेको जनाएको छ।