काठमाडौंको बौद्ध क्षेत्रमा एक वृद्धमाथि कैँची प्रहार गरी घाइते बनाएको आरोपमा एक व्यक्ति पक्राउ परेका छन्। जिल्ला प्रहरी परिसर काठमाडौंले बुढानीलकण्ठ नगरपालिका–१ नारायणथानका ३४ वर्षीय टाइसन लामा उर्फ टाइजन याजाकीलाई पक्राउ गरेको जनाएको छ।
प्रहरीका अनुसार जेठ २४ गते दिउँसो करिब १२ः३५ बजे काठमाडौं महानगरपालिका–६ बौद्धस्थित फूलबारी हिमालयन जाभा पछाडिको सडकमा उनले बौद्धको सानो टुसाल निवासी ७९ वर्षीय वृद्धमाथि कैँची प्रहार गरेका थिए।
घटनामा घाइते भएका वृद्धलाई तत्काल उद्धार गरी स्तुपा सामुदायिक अस्पताल, चुच्चेपाटी लगिएको थियो। त्यहाँ प्रारम्भिक उपचारपछि थप उपचारका लागि त्रिभुवन विश्वविद्यालय शिक्षण अस्पताल, महाराजगञ्ज पठाइएको प्रहरीले जनाएको छ।
घटनामा संलग्न रहेको आरोपमा पक्राउ परेका याजाकीमाथि ज्यान मार्ने उद्योग कसुरमा अनुसन्धान भइरहेको जिल्ला प्रहरी परिसर काठमाडौंले जानकारी दिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
