राष्ट्रिय स्वतन्त्र पार्टी (रास्वपा) का सभापति रवि लामिछानेले मधेश प्रदेशका पार्टी सांसदहरूसँग सामूहिक छलफल गरेका छन्।
सिंहदरबारस्थित रास्वपाको संसदीय दलको कार्यालयमा आयोजित बैठकमा मधेश प्रदेशका सांसदहरूसँग प्रदेश अधिवेशनका विषयमा छलफल गरिएको हो।
सभापति लामिछानेको सचिवालयका अनुसार मधेश प्रदेश अधिवेशनको तयारी, देखिएका चुनौती तथा आगामी कार्ययोजनाबारे सांसदहरूसँग विचारविमर्श गरिएको थियो।
रास्वपाले अन्य प्रदेशमा अधिवेशन प्रक्रिया अघि बढाइरहेका बेला मधेश प्रदेशमा भने आन्तरिक विवादका कारण अधिवेशन हुन सकेको छैन।
पार्टीभित्र देखिएको विवादका कारण मधेश प्रदेशका कुनै पनि जिल्लामा हालसम्म अधिवेशन आयोजना गर्न नसकिएको रास्वपाले जनाएको छ।
सोही विषयमा आवश्यक परामर्श र समाधान खोज्ने उद्देश्यले सभापति लामिछानेले मधेश प्रदेशका सांसदहरूसँग सामूहिक छलफल गरेको सचिवालयले जानकारी दिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
