राष्ट्रिय स्वतन्त्र पार्टी (रास्वपा) ले आफ्नो प्रथम महाधिवेशनका लागि नेपाली कांग्रेसका सभापति गगन थापा र नेकपा एमालेका अध्यक्ष केपी शर्मा ओलीलाई विशिष्ट अतिथिका रूपमा निमन्त्रणा गरेको छ।
रास्वपाका अनुसार असार ७ देखि ९ गतेसम्म चितवनमा आयोजना हुने महाधिवेशनमा सहभागी हुन दुवै नेतालाई औपचारिक निमन्त्रणापत्र पठाइएको हो।
पार्टीले विशिष्ट अतिथिको रूपमा सहभागी हुन आग्रह गर्दै निम्ता पठाएको जनाएको छ। निमन्त्रणापत्र सम्बन्धित नेतासम्म पुगिसकेको बताइएको छ।
यद्यपि, महाधिवेशनमा सहभागी हुने वा नहुने भन्ने विषयमा भने दुवै नेताले अहिलेसम्म अन्तिम निर्णय गरिसकेका छैनन्।
थापा र ओली निकट स्रोतका अनुसार महाधिवेशनमा उपस्थित हुनेबारे आवश्यक परामर्शपछि मात्रै निर्णय लिइनेछ।
रास्वपाको प्रथम महाधिवेशन चितवनमा आयोजना हुँदैछ, जहाँ देशभरबाट प्रतिनिधि तथा पर्यवेक्षकहरूको सहभागिता रहने तयारी गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
