धनगढी उपमहानगरपालिकाका मेयर गोपी हमालले चालु शैक्षिक सत्रदेखि कैलालीको गेटास्थित शहीद दशरथचन्द स्वास्थ्य विज्ञान विश्वविद्यालयमा एमबीबीएस अध्ययन–अध्यापन सुरु नभए आफू पनि अनशनमा बस्ने घोषणा गरेका छन्।
सोमबार डोटीको बुडरबाट फेसबुकमार्फत आफ्नो धारणा सार्वजनिक गर्दै मेयर हमालले सुदूरपश्चिमका नागरिक वर्षौंदेखि गुणस्तरीय स्वास्थ्य सेवा र चिकित्सा शिक्षाको पहुँचबाट वञ्चित हुँदै आएको बताए। उनले अब सरकारले थप ढिलाइ गर्न नहुने उल्लेख गरे।
मेयर हमालले यही शैक्षिक सत्रबाट गेटामा एमबीबीएस पढाइ सुरु गर्नुपर्ने र ३०० शय्याको अस्पताल सञ्चालनमा ल्याउनुपर्नेमा जोड दिएका छन्।
सरकारले यी दुवै काम पूरा गर्न नसके आफू पनि अनशनमा बस्न तयार रहेको र आवश्यक परे आन्दोलनको नेतृत्वसमेत गर्ने उनले बताएका छन्।
गेटास्थित शहीद दशरथचन्द स्वास्थ्य विज्ञान विश्वविद्यालय सञ्चालनको विषयलाई लिएर प्राध्यापक डा. गोविन्द केसी विगत बिहीबारदेखि अनशनमा छन्।
डा. केसीले विश्वविद्यालयका हालै नियुक्त उपकुलपति र रजिस्ट्रारको नियुक्ति खारेज गर्नुपर्ने, विश्वविद्यालयलाई पारदर्शी र विधिसम्मत ढंगले सञ्चालन गर्नुपर्ने, साथै गेटामा तत्काल एमबीबीएस अध्ययन सुरु गरी ३०० शय्याको अस्पताल सञ्चालनमा ल्याउनुपर्ने माग राख्दै आएका छन्।
मेयर हमालले विश्वविद्यालयका पदाधिकारी जोसुकै भए पनि गेटामा एमबीबीएस पढाइ तत्काल सुरु हुनु नै अहिलेको मुख्य आवश्यकता भएको बताएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
