२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

प्रतिनिधि सभा अन्तर्गतको राज्य व्यवस्था तथा सुशासन समितिका सभापति रामहरि खतिवडाले मंगलबार पदबाट राजीनामा दिएका छन्।

प्रतिनिधि सभाको बैठकमा बोल्दै खतिवडाले निजामती सेवा विधेयकको प्रतिवेदनमा देखिएको गम्भीर त्रुटिका कारण उठेका प्रश्नका बीच पद त्यागेको घोषणा गरेका हुन्। संसदीय छानबिन समितिले उक्त प्रतिवेदनमा गल्ती भएको निष्कर्ष निकालेपछि उनीमाथि नैतिक जिम्मेवारीको प्रश्न उठेको थियो।

खतिवडाले आफू सुरुदेखि सरकारी कर्मचारीका लागि ‘कुलिङ अफ पिरियड’ लागू हुनुपर्ने पक्षमा अडिग रहेको र भविष्यमा पनि त्यही धारणा कायम राख्ने बताएका छन्। उनले प्रतिवेदनमा हस्ताक्षर गरे पनि गल्ती समितिका सदस्य वा आफूबाट नभई, विधेयक तयार गर्ने क्रममा मन्त्रालयका कर्मचारीको लापरबाहीका कारण भएको दाबी गरे। अन्तिम रुपमा गहिरिएर नहेर्नु कमजोरी रहेको स्वीकार गर्दै उनले त्रुटि रोक्न प्रयास गरेको उल्लेख गरे।

उनले राष्ट्रिय सभामा पनि दुई वर्षको कुलिङ अफ पिरियड कायम राख्ने विश्वास व्यक्त गर्दै आफू गठबन्धनको नीति प्रतिको निष्ठामा अडिग रहेको बताए। साथै, आफू कूटिल राजनीतिको सिकार भएको आरोप लगाउँदै नगरेको गल्तीको बोझ बेहोर्नु परेको गुनासो गरे।

“प्रतिवेदनमा जिम्मेवारी भन्ने शब्द प्रयोग भएकाले म जिम्मेवारी बोध गर्दै राज्य व्यवस्था तथा सुशासन समितिको सभापतिबाट हाँसीहाँसी राजीनामा दिएको घोषणा गर्दछु,” खतिवडाले बैठकमा भने।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय