प्रधानमन्त्री केपी शर्मा ओलीले सबै मन्त्री र सचिवहरूलाई मन्त्रालयगत कार्यसम्पादन सम्झौतापछि नयाँ र युगान्तकारी (गेम चेन्जर) योजनासहित अघि बढ्न निर्देशन दिएका छन्।
सिंहदरबारमा आयोजित वार्षिक प्रगति समीक्षा तथा सम्झौता आदान–प्रदान कार्यक्रममा प्रधानमन्त्री ओलीले उत्पादकत्व वृद्धि र गरिबीको दुष्चक्र तोड्ने परियोजनामा तीव्रता दिन आग्रह गरे। उनले दैलेखको मिथेन ग्यास परीक्षण उत्पादन, व्यावसायिक भैंसी पालन, अग्र्यानिक खेती, सामाजिक सञ्जाल नियमन, ज्येष्ठ नागरिक संवाद भवन निर्माण, राष्ट्रिय खेलकुद आयोजना, क्रिकेट र रंगशाला निर्माण लगायतका विषयमा सम्बन्धित मन्त्रीलाई ध्यानाकर्षण गराए।
प्रधानमन्त्रीले अन्तरिक्षमा नेपालकै अर्बिट उपयोग, रेल र सेक्युरिटी प्रेस सञ्चालन, सुनकोसी–मरिन, भेरी–बबई र काठमाडौं–तराई द्रुतमार्गजस्ता आयोजना छिटो सम्पन्न गर्न, योग–आरोग्य अभियान र मापदण्डअनुसार कर्मचारी सरुवा गर्न निर्देशन दिए।
‘यी प्रतिनिधिमूलक मात्र हुन्,’ ओलीले भने, ‘भदौको अन्त्यसम्म हरेक मन्त्रालयले मौलिक र परिवर्तनकारी योजना बनाएर ल्याउनुपर्छ। साँच्चिकै माइलस्टोन हुने काम गरौँ।’
यसअघि पनि ओलीको कार्यकालमा ‘समृद्ध नेपाल, सुखी नेपाली’ लक्ष्यसहित कार्यसम्पादन सम्झौताको अभ्यास सुरु गरिएको थियो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
