प्रधानमन्त्री केपी शर्मा ओली अस्वस्थ भएपछि संघीय संसद्को प्रतिनिधिसभामा आज तय भएको प्रश्नोत्तर कार्यक्रम स्थगित भएको छ।
नेकपा एमालेका मुख्य सचेतक महेश बर्तौलाले सभामुख देवराज घिमिरेले बोलाएको कार्यव्यवस्था तथा परामर्श समितिको बैठकमा यसबारे जानकारी दिएका हुन्। आज दिउँसो १ बजे बस्ने बैठकमा प्रधानमन्त्रीसँग सांसदहरूले उठाएका प्रश्नको जवाफ दिने कार्यक्रम तय भएको थियो अहिले प्रतिनिधि सभाको बैठक चलिरहेको छ ।
आजको बैठकमा महिला, बालबालिका तथा ज्येष्ठ नागरिकमन्त्री नवलकिशोर साहले ‘बालबालिका सम्बन्धी (पहिलो संशोधन) विधेयक, २०८२’ माथि विचार गरियोस् भन्ने प्रस्ताव प्रस्तुत गर्नेछन्। त्यसैगरी मानव बेचविखन तथा ओसारपसार (नियन्त्रण) पहिलो संशोधन विधेयक, २०८१ लाई दफावार छलफलका लागि सम्बन्धित समितिमा पठाइयोस् भन्ने प्रस्ताव पनि कार्यसूचीमा समावेश छ।
यसैबीच लामो समयदेखि भिजिट भिसा प्रकरणलाई लिएर रास्वपा र राप्रपाले संसद् बैठक अवरुद्ध गर्दै आएका छन्। सत्तारूढ नेपाली कांग्रेस र नेकपा एमालेले उपसभामुख इन्दिरा रानामगरलाई हटाउने गृहकार्य थालेपछि रास्वपाले नयाँ रणनीति तय गर्ने तयारी गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
