विद्यालय शिक्षा विधेयक, २०८० मा असहमति जनाउँदै नेपाल शिक्षक महासंघले नेकपा एमालेको पार्टी कार्यालयमा धर्ना दिएको छ।
आन्दोलनको पहिलो चरणअन्तर्गत महासंघले आज विहान ११ बजेदेखि दिउँसो १ बजेसम्म दुई घण्टा च्यासलस्थित एमाले केन्द्रीय कार्यालय अगाडि धर्ना बसेर ध्यानाकर्षण पत्र बुझाएको हो।
यसअघि बुधबार महासंघले नेपाली कांग्रेसको सानेपास्थित कार्यालयमा धर्ना दिएको थियो। महासंघले भदौ १३ गते नेकपा माओवादी केन्द्रको केन्द्रीय कार्यालय, पेरिसडाँडामा धर्ना दिने जनाएको छ।
यस्तै, भदौ १३ गते नै सबै पालिकामा र भदौ १५ गते सबै जिल्लाका समन्वय इकाइमा प्रतिनिधिमूलक उपस्थितिमा ध्यानाकर्षण पत्र बुझाउने कार्यक्रम पनि तय गरिएको महासंघले जनाएको छ।
प्रतिनिधिसभा अन्तर्गतको शिक्षा, स्वास्थ्य तथा सूचना प्रविधि समितिबाट विद्यालय शिक्षा विधेयक, २०८० पारित भएपछि त्यसमा रहेका प्रावधानमा असहमति जनाउँदै महासंघले आन्दोलनका कार्यक्रम घोषणा गरेको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
