२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

प्रतिनिधि सभाले भदौ महिनाभर तीन वटा महत्त्वपूर्ण विधेयक पारित गर्ने तयारी गरेको छ। सभामुख देवराज घिमिरेले प्रमुख दलका प्रमुख सचेतकहरूसँग छलफल गरेपछि यस्तो योजना सार्वजनिक भएको हो।

नेकपा एमालेका मुख्य सचेतक महेश बर्तौलाका अनुसार प्रतिनिधि सभाले भूमिसम्बन्धी विधेयक, नागरिकता विधेयक र शिक्षा विधेयक यसै महिनामा पारित गर्ने कार्यतालिका तय गरेको छ।

बर्तौलाले भने, “१३ गतेको बैठकमा भूमिसम्बन्धी विधेयक कार्यसूचीमा राखेर पारित गरी राष्ट्रिय सभामा पठाइनेछ। सो बैठकमा प्रधानमन्त्री केपी शर्मा ओलीले पनि सम्बोधन गर्ने तालिका छ।”

उनका अनुसार १८ गते नागरिकतासम्बन्धी विधेयक पारित गर्ने र संवैधानिक परिषद्को काम, कर्तव्य, अधिकार र कार्यविधिसम्बन्धी ऐनमाथि छलफल गरी पारित गर्ने तयारी छ।

शिक्षा विधेयक भने विशेष रूपमा २६ गते पारित गर्नेगरी कार्यतालिका मिलाइएको छ। “यो महिनाभर संघीयता कार्यान्वयनसँग जोडिएका महत्त्वपूर्ण विधेयक पारित हुँदैछन्, शिक्षा विधेयक त्यसकै हिस्सा हो,” बर्तौलाले बताए।

बैठकमा नेपाली कांग्रेसका प्रमुख सचेतक श्याम घिमिरे, नेकपा माओवादी केन्द्रका प्रमुख सचेतक हितराज पाण्डे, राष्ट्रिय स्वतन्त्र पार्टीका प्रमुख सचेतक सन्तोष परियार र राष्ट्रिय प्रजातन्त्र पार्टीकी सांसद बिना लामा सहभागी थिए।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय