शाङ्घाई सहयोग सङ्गठन (एससिओ) प्लसको शिखर सम्मेलनमा सहभागी भएपछि प्रधानमन्त्री केपी शर्मा ओली आज चीनको राजधानी बेइजिङ प्रस्थान गर्ने भएका छन्।
बेइजिङमा प्रधानमन्त्री ओलीले चीनका उपराष्ट्रपति हान चङ्गसँग भेटवार्ता गर्ने कार्यक्रम छ। साथै, उपराष्ट्रपति चङ्गद्वारा आयोजना गरिएको रात्रिभोजमा नेपाली प्रतिनिधिमण्डल सहभागी हुनेछ।
यसअघि थियानजिनमै प्रधानमन्त्री ओलीले चीनका राष्ट्रपति सी जिनफिङसँग द्विपक्षीय भेटवार्ता गरिसकेका छन्।
विजय उत्सव समारोहमा सहभागिता
भ्रमणको अन्तिम दिन भदौ १८ गते प्रधानमन्त्री ओलीसहित नेपाली प्रतिनिधिमण्डल चीन सरकारद्वारा बेइजिङमा आयोजना हुने विशेष समारोहमा सहभागी हुनेछ। उक्त समारोह फासिवादविरुद्धको विश्वयुद्ध र जापानी अतिक्रमणविरुद्धको चिनियाँ जनताको प्रतिरोधी युद्धमाथिको विजयको ८०औँ वार्षिकोत्सवको अवसरमा हुँदैछ।
समारोहमा सहभागी भएपछि सोही दिन प्रधानमन्त्री ओलीसहित प्रतिनिधिमण्डल नेपाल फर्किने कार्यक्रम छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
