नेपाल प्रहरीका चार जना प्रहरी नायव महानिरीक्षक (डिआइजी)लाई अतिरिक्त प्रहरी महानिरीक्षक (एआइजी) बढुवाका लागि सिफारिस गरिएको छ।
सिफारिस सूचीमा पहिलो नम्बरमा सुशिलसिंह राठौर, दोस्रो नम्बरमा उमाप्रसाद चर्तुवेदी, तेस्रो नम्बरमा हिमालयकुमार श्रेष्ठ र चौथो नम्बरमा डम्बरबहादुर बिक रहेका छन्।
राठौर वर्तमानमा प्रशासन विभाग अन्तर्गतको आर्थिक प्रशासन तथा प्रबन्ध निर्देशनालयमा कार्यरत छन् भने चर्तुवेदी मधेश प्रदेश प्रहरी प्रमुखको जिम्मेवारीमा छन्। हिमालयकुमार श्रेष्ठ अख्तियार दुरुपयोग अनुसन्धान आयोगमा कार्यरत छन् भने डम्बरबहादुर बिक सुदूरपश्चिम प्रदेश प्रहरी प्रमुखको जिम्मेवारी सम्हालिरहेका छन्।
अब यस सिफारिसलाई कार्यान्वयन गर्ने अन्तिम निर्णय बस्ने मन्त्रिपरिषद् बैठकले गर्नेछ।
यस कदमले नेपाल प्रहरीमा नेतृत्वमा नयाँ सशक्तिकरण र प्रशासनिक स्थायित्व थप्ने अपेक्षा गरिएको छ।
