नेपाली सेनाले आज बडादसैँको सप्तमीका अवसरमा सैनिक मञ्च टुँडिखेलमा फूलपाती बढाइँको आयोजना गर्ने भएको छ। राष्ट्रपति रामचन्द्र पौडेलको प्रमुख आतिथ्यमा हुने समारोहमा तोप र राइफलबाट बढाइँ गरिनेछ।
संवैधानिक व्यवस्थाअनुसार नेपाली सेनाका परमाधिपति समेत रहेका राष्ट्रपति पौडेलको उपस्थितिमा हुने कार्यक्रममा सैनिक परेड, दुर्गा नाच, सेनाको हेलिकप्टरमार्फत ‘फूलपाती बढाइँ समारोह–२०८२’ लेखिएको व्यानर प्रदर्शन र पुष्पवृष्टि हुनेछ।
फूलपाती बढाइँलाई धर्म, संस्कृति र परम्पराको निरन्तरता दिने मौलिक कार्यक्रम मानिन्छ। गोरखाबाट ल्याइएको जमरा र फूलपाती हनुमानढोका दसैँघरमा साइत जुराएर भित्र्याएपछि टुँडिखेलमा बढाइँ गर्ने परम्परा छ।
समारोहमा उपराष्ट्रपति रामसहायप्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमान सिंह राउत, सभामुख देवराज घिमिरे, राष्ट्रियसभा अध्यक्ष नारायणप्रसाद दाहाल, मन्त्रिगणलगायत विशिष्ट अतिथिहरूको सहभागिता रहनेछ।
नेपाली सेनाले प्रत्येक वर्ष फूलपातीका दिन टुँडिखेलमा यसरी विशेष समारोह आयोजना गर्दै आएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
