देशभर मनसुनी र स्थानीय वायुको प्रभावका कारण आज अधिकांश स्थानमा वर्षा हुने संभावना छ। जल तथा मौसम विज्ञान विभाग, मौसम पूर्वानुमान महाशाखाले सबै प्रदेशका पहाडी क्षेत्रमा सामान्यतया बदली रहने र बाँकी भूभागमा आंशिक बदली हुने जानकारी दिएको छ।
महाशाखाका अनुसार कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी भूभागमा वर्षा हुने संभावना छ। साथै, तराईका केही स्थानहरूमा पनि वर्षा हुने देखिएको छ।
तराईका एक–दुई स्थानमा मेघगर्जन र चट्याङसहित मध्यम वर्षा हुन सक्ने पूर्वानुमान गरिएको छ। त्यस्तै, कोशी, बागमती र गण्डकी प्रदेशका पहाडी क्षेत्रमा भारी वर्षाको सम्भावना पनि रहेको महाशाखाले जनाएको छ।
विभागले वर्षाका कारण पहिरो, बाढी तथा नदी–नालामा पानीको सतह बढ्ने जोखिम रहेकाले आवश्यक सतर्कता अपनाउन सबैलाई आग्रह गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
