मेडिकल व्यवसायी दुर्गा प्रसाईंले शीर्ष नेताहरू केपी ओली, शेरबहादुर देउवा, पुष्पकमल दाहाल, आरजु राणा लगायतलाई तुरुन्त पक्राउ गर्न माग गरेका छन्।
विहीबार सामाजिक सञ्जालमा आफ्ना विचार व्यक्त गर्दै प्रसाईंले आरोप उठेका नेताहरूको विषयमा कानूनी प्रक्रिया छिटो अघि बढाई सत्यतथ्य सार्वजनिक गर्नुपर्नेमा जोड दिएका छन्। उनका अनुसार दोषी ठहरिएमा कानुन अनुसार कारबाही हुनै पर्नेछ।
उनी विदेशी शक्तिको आडमा देश चलाउने प्रयास सफल नहुने भन्दै छठपछि हुने शान्तिपूर्ण महाआन्दोलनमा सबैलाई सहभागी हुन पनि आह्वान गरेका छन्।
प्रसाईंको यो मागले राजनीतिक दल र नेताहरूको प्रतिवद्धता, कानुनको शासन र देशको लोकतान्त्रिक स्थायित्वबारे पुनः चर्चा सुरु गराएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
