उपराष्ट्रपति रामसहायप्रसाद यादवले तिहार पर्वले नेपाली समाजभित्रको विविधता, सहअस्तित्व र भाइचाराको सम्बन्धलाई थप सुदृढ बनाउने विश्वास व्यक्त गरेका छन्।
सोमबार तिहार (शुभ दीपावली) २०८२ को अवसरमा स्वदेश तथा विदेशमा रहेका सम्पूर्ण नेपाली दाजुभाइ तथा दिदीबहिनीहरूलाई शुभकामना सन्देश जारी गर्दै उपराष्ट्रपति यादवले तिहारले देशभित्र आपसी सद्भाव र मेलमिलापको वातावरण बलियो बनाउने बताएका हुन्।
“तिहारको उज्यालोले हाम्रा मनका रिस, राग, वैमनस्यता र द्वेष मेटाउँदै मेलमिलाप र खुशीयाली ल्याओस्,” उपराष्ट्रपतिले शुभकामना सन्देशमा भनेका छन्। उनले विविधतामा एकताको सुन्दर उदाहरणका रूपमा तिहारले सबै समुदायबीच विश्वास र सहअस्तित्वको भावना फैलाउने उल्लेख गरेका छन्।
उपराष्ट्रपति यादवले शुभ दीपावलीले सम्पूर्ण नेपालीलाई राष्ट्रिय एकता, अखण्डता र सार्वभौमसत्ताको संरक्षणमा एकजुट हुन प्रेरणा दिने विश्वास पनि व्यक्त गरे।
उनका अनुसार पाँच दिनसम्म मनाइने यो पर्व केवल दियो र सजावटको उत्सव मात्र नभई सामाजिक सम्बन्धलाई मजबुत बनाउने माध्यम पनि हो। “तिहारले हामी सबैलाई सामूहिकता र सहकार्यको बाटोमा अघि बढ्न प्रेरित गर्छ,” उनले भने।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
