११ कात्तिक २०८२,
आगामी निर्वाचनको वातावरण निर्माणका लागि प्रधानमन्त्री सुशीला कार्कीको आह्वानमा बुधबार त्रिपक्षीय छलफल हुने भएको छ। प्रधानमन्त्री सुशीला कार्कीका प्रेस संयोजक राम रावलका अनुसार छलफल प्रधानमन्त्री निवास बालुवाटारमा साँझ ४ बजे हुनेछ।
प्रधानमन्त्री कार्कीले सबै पक्षबीच विश्वास र संवादका माध्यमबाट निर्वाचनसम्म पुग्ने वातावरण तयार गर्नुपर्ने बताउँदै छलफल आह्वान गरेकी हुन्।
बैठकमा निर्वाचन तयारी, सुरक्षा व्यवस्था, र आन्दोलन पक्षका मागहरू सम्बोधन गर्ने सम्भावना विषयमा विस्तृत बहस हुने बताइएको छ।
