भदौ २३–२४ मा भएको जेन-जी आन्दोलन’का घटनासँग सम्बन्धित अनुसन्धान अघि बढ्दै जाँदा त्यस समयमा फिल्डमा खटिएका प्रहरी इन्चार्जहरूलाई उपत्यका बाहिर जान निषेध गरिएको छ।
प्रहरी मुख्यालयले काठमाडौं उपत्यका प्रहरी कार्यालयलाई पत्र पठाउँदै ती इन्चार्जहरूलाई कुनै पनि बेला जाँचबुझ आयोगमा उपस्थित हुनुपर्ने हुनाले उपत्यका नछाड्ने व्यवस्था मिलाउन निर्देशन दिएको हो।
उक्त निर्देशनअनुसार हाल उपत्यकामा कार्यरत एआईजी दानबहादुर कार्की, डीआईजी ओमबहादुर राना, काठमाडौं प्रमुख एसएसपी विश्व अधिकारी, ललितपुरका एसएसपी श्यामकृष्ण अधिकारी र भक्तपुरका एसपी माधव बुढाथोकीलगायत अधिकारीहरू उपत्यकाभित्रै रहनुपर्ने छन्।
त्यस्तै, काठमाडौं, ललितपुर र भक्तपुरका १६ वृत्त र प्रभागमा कार्यरत डीएसपी तथा इन्स्पेक्टरहरूलाई समेत हाललाई बाहिर नजान भनिएको छ।
मुख्यालयका अनुसार आयोगले चाँडै ती घटनासम्बन्धी विवरण संकलनका लागि संलग्न प्रहरी अधिकृतहरूलाई सोधपुछका लागि बोलाउने तयारी गरेको छ। आयोगको अनुसन्धान अघि बढेसँगै ती अधिकारीहरूका प्रत्यक्ष बयानले आन्दोलनका क्रममा भएका घटनाको विस्तृत चित्र स्पष्ट हुने अपेक्षा गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
