नेपाली फिल्म प्रेमीहरूका लागि नयाँ उत्साहका साथ आजबाट हलमा एकता पौडेलको डेब्यु निर्देशकीय फिल्म ‘हर्ष’ प्रदर्शित भएको छ।
फिल्मको कथानक पारिवारिक जीवनमा आधारित छ र मुख्य भूमिकामा खगेन्द्र लामिछाने र वर्षा राउत रहेका छन्। त्यसबाहेक नीर शाह, सन्तोष पन्त, शर्मिला मल्ल, माओत्से गुरुङ, विशाल पहाडी, निमा पाण्डे, लुनिभा तुलाधर, अंशु महर्जन, रेनु प्रधान, सुवर्ण थापा, सृष्टि महर्जन, सिर्जना नापित र बालकलाकार साइमन वादीले समेत अभिनय गरेका छन्।
अलोक शुक्लाको छायांकनमा बनेको फिल्मको संगीत समीर र हिमाल, वसन्त सापकोटा तथा एलिश कार्काले तयार पारेका छन्। लोकेश बज्राचार्यले सम्पादन गरेका फिल्ममा सुनिल क्षेत्री र निर्देशक पौडेलले कोरियोग्राफी गरेका छन्।
अष्टलक्ष्मी प्रोडक्सन्स् र ई–प्राइम मुभिजको ब्यानरमा निर्माण भएको ‘हर्ष’को कथा स्वयं निर्देशक एकता पौडेलको हो। फिल्मका निर्माता प्रशन्न पौडेल र विकास पौडेल हुन्। निर्माण टिमका अनुसार देशभर हालसम्म करिब १ सय हलमा प्रदर्शन भइरहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
