नेपाली फिल्म ‘मिरमिरे’ नेपालमै मात्र होइन, मध्यपूर्वका विभिन्न देशमा पनि प्रदर्शन हुन लागेको छ। निर्माण टिमका अनुसार फिल्मको अन्तर्राष्ट्रिय प्रदर्शन अधिकार मध्यपूर्वका प्रमुख पाँच देशमा बिक्री भइसकेको छ।
संयुक्त अरब इमिरेट्स (युएई), कतार, बहराइन, इजरायल र मलेसियामा ‘मिरमिरे’ वितरण गर्ने जिम्मा आशिष इन्टरटेन्मेन्टले लिएको निर्देशक यम शेर्पाले जानकारी दिए। उनका अनुसार विदेशी दर्शकलाई लक्षित गर्दै प्रचार–प्रसारको तयारी तीव्र बनाइएको छ।
दयाहाङ राई, सिर्जना निङलेखु र प्रकाश सपुत मुख्य भूमिकामा देखिने यस फिल्ममा शाइसा गौचन, माओत्से गुरुङ, छुल्ठिम गुरुङ, भोलाराज सापकोटा, दिविशा पन्त, चिराग श्रेष्ठ र नमनराज गजुरेललगायत कलाकारहरूको अभिनय छ।
यार्सा फिल्म्सको प्रस्तुतीमा बनेको ‘मिरमिरे’ माघ १ गतेबाट प्रदर्शनमा आउने छ। निमु शेर्पा, छोङ्बा लामा शेर्पा र आङ्छिरिङ शेर्पाले निर्माण गरेको यो फिल्म निर्देशक यम शेर्पाको दोस्रो निर्देशन हो। यसअघि उनले ‘कार्साङ’ निर्देशन गरेका थिए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
