नेकपा एमालेका अध्यक्ष केपी शर्मा ओलीले पोलिटव्युरो सदस्य महेश बस्नेतलाई सचिव पदको उम्मेदवार बनाउने निर्णय गरेका छन्। दसौँ महाधिवेशनमा पोलिटव्युरो सदस्य बनेका बस्नेतलाई ११औँ महाधिवेशनमा सचिवको पदमा प्रतिस्पर्धा गराउन ओलीले अघि सार्नु भएको हो।
एमाले वृत्तमा यसलाई अध्यक्ष ओलीले बस्नेतलाई “पुरस्कार” स्वरूप सचिव उम्मेदवार बनाएर सम्मान गरेको रूपमा हेरिएको छ। युथ फोर्सबाट राजनीति सुरु गरेका बस्नेतलाई माओवादीको चुनौती सामना गर्ने बलिया नेता मानिन्छ।
बस्नेतले जेन–जी आन्दोलनपश्चात सत्ताच्युत भएका ओलीलाई भक्तपुरको गुण्डुमा सुरक्षित पुन:स्थापना गराएका थिए। अहिले पनि बस्नेतले ओलीको निवास निर्माण र सुरक्षा व्यवस्थाको जिम्मेवारी संभाल्दै आएका छन्। उनको पहलमा एमालेको स्वयंसेवक दस्ताको स्थापना पनि भएको छ, जसलाई अध्यक्ष ओली निर्वाचनका बेला परिचालन गर्ने तयारीमा छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
