भदौ २३ र २४ गते भएका घटनाक्रमको छानबिनका क्रममा राष्ट्रिय मानव अधिकार आयोगले काठमाडौं महानगरपालिकाका नगर प्रमुख बालेन्द्र साह (बालेन) सँग सोमबार सोधपुछ गरेको छ।
आयोगका अनुसार जेनजी आन्दोलनका दौरान मेयर शाहले सामाजिक सञ्जालमार्फत व्यक्त गरेका अभिव्यक्ति तथा त्यस अवधिमा देखिएका अन्य घटनाक्रमबारे स्पष्टिकरण लिन उनलाई आयोगमा उपस्थित गराइएको हो। ती अभिव्यक्तिहरू र घटनाले मानव अधिकारको दृष्टिले के–कस्तो प्रभाव पारे भन्ने विषयमा आयोगले जानकारी लिएको जनाएको छ।
राष्ट्रिय मानव अधिकार आयोगले भदौ २३ र २४ गतेको घटनासम्बन्धी अनुसन्धान निरन्तर अघि बढाइरहेको उल्लेख गर्दै सोही प्रक्रियाको एक हिस्साका रूपमा सरोकारवाला व्यक्तिहरूसँग बयान तथा सोधपुछ भइरहेको बताएको छ। आयोगले अनुसन्धान निष्कर्षका आधारमा आवश्यक सिफारिस र कदम अघि बढाइने स्पष्ट पारेको छ।
आयोगको अनुसन्धान कार्य जारी रहँदा थप व्यक्ति तथा निकायसँग पनि आवश्यक सोधपुछ र अध्ययन गरिने जनाइएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
