२०८३ मंसिर ८ | nepali.worldinfonews.com | Nepali Unicode|Preeti to Unicode
 BREAKING
किरण तिम्सिनाको नियुक्तिमाथि खुस्बु ओलीको प्रश्न : ‘आफैँ नियम बनाएर आफैँ परीक्षामा प्रथम ?’ | प्रतिभा रावलको प्राथमिकता: सहकारी, लालपुर्जा र निजामती सुधार | दूरसञ्चार सेवा कमजोर भएपछि सञ्चारमन्त्रीले मागे प्राधिकरणसँग जवाफ | बाढीपहिरोले मनाङको सडक ठप्प, औषधीदेखि खाद्यान्नसम्मको आपूर्ति रोकियो | पोखरामा हुँदैछ ‘नोमाड बेसक्याम्प – २०२६’: विश्वभरका डिजिटल नोमाड र उद्यमी भेला हुदै | भरतपुरमा गुडिरहेको कारमा आगो लाग्दा एकजनाको मृत्यु | भोटेकोशी बाढी : ७ हजार ५७० घर ध्वस्त, पुनरुत्थानमा १ खर्ब ३ अर्ब चाहिने | आज ६ संसदीय समितिको बैठक बस्दै | सार्वजनिक सम्पत्तिमा आगजनीदेखि हतियार लुटपाटसम्म : जेनजी हिंसामा १,०१३ पक्राउ, २४९ जेलमा | भोटेकोशी बाढीपछि प्रधानमन्त्री राहत कोषमा करिब १२ अर्ब जम्मा |

जेनजी आन्दोलनका क्रममा आगजनी र क्षति भएका राजनीतिक दलका कार्यालयहरूको अनुगमन तथा दलहरूसँग संवाद गर्न सरकारद्वारा गठित राजनीतिक संवाद समितिको टोली आज फिल्डमा निस्कने भएको छ ।

संवाद समितिमा कानुनमन्त्री अनिलकुमार सिन्हा, सञ्चारमन्त्री जगदीश खरेल र प्रधानमन्त्रीका मुख्य सल्लाहकार अजयभद्र खनाल रहेका छन् । समितिले आज विभिन्न राजनीतिक दलका केन्द्रीय कार्यालय पुगेर अवस्था अवलोकन गर्नुका साथै नेताहरूसँग प्रत्यक्ष छलफल गर्ने कार्यक्रम तय भएको छ ।

कार्यतालिकाअनुसार सरकारी टोलीले बिहान ११ बजे नेपाली कांग्रेसको केन्द्रीय कार्यालय सानेपा पुगेर अनुगमन सुरु गर्नेछ । त्यसपछि दिउँसो १ बजे नेकपा एमालेको केन्द्रीय कार्यालय च्यासल र दिउँसो ३ बजे नेपाली कम्युनिस्ट पार्टी (तत्कालीन माओवादी केन्द्र) को कार्यालय पेरिसडाँडा जाने कार्यक्रम रहेको छ । आवश्यकताअनुसार अन्य दलका कार्यालयसमेत अनुगमन गर्ने तयारी रहेको बताइएको छ ।

अनुगमनका क्रममा आसन्न निर्वाचनको वातावरण निर्माण, राजनीतिक स्थायित्व र संवादको निरन्तरताका विषयमा सम्बन्धित दलका नेतृत्वसँग छलफल गरिने समितिले जनाएको छ । साथै जेनजी आन्दोलनका बेला आगजनी तथा तोडफोड भएका पार्टी कार्यालयहरूको वास्तविक अवस्था मूल्याङ्कन गरिनेछ ।

गत भदौ २४ गते भएको जेनजी आन्दोलनका क्रममा कांग्रेस, एमाले, तत्कालीन माओवादी केन्द्रलगायत विभिन्न राजनीतिक दलका कार्यालय, नेताहरूका निजी निवास, सिंहदरबार, संसद् भवन, अदालत, प्रहरी कार्यालय, सपिङ मल र निजी व्यवसायिक प्रतिष्ठानहरूमा आगजनी र क्षति पुगेको थियो । उक्त घटनापछि राजनीतिक संवाद र विश्वासको वातावरण बनाउन सरकार सक्रिय रूपमा अघि बढेको छ ।

Website | + posts

वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।

प्रतिक्रिया

सम्बन्धित खवर

ताजा समाचार

लोकप्रिय