राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले केही नयाँ राजनीतिक पार्टी विदेशीको योजनामा गठन भइरहेको आरोप लगाएका छन्।
शनिबार झापाको बिर्तामोडमा आयोजित पार्टी सभालाई सम्बोधन गर्दै लिङ्देनले आगामी निर्वाचनको परिणामदेखि नयाँ पार्टी गठनसम्म विदेशी हस्तक्षेप बढिरहेको दाबी गरे। उनले मुलुक गम्भीर संकटमा रहेको भन्दै अहिलेको अवस्थामा राप्रपाको विकल्प नभएको बताए।
लिङ्देनले नेपाली कांग्रेस, नेकपा एमाले र नेपाली कम्युनिस्ट पार्टीबाट अब देश नबन्ने टिप्पणी गरे। उनले चुनाव नै नभएको अवस्थामा केही नयाँ भनिने समूहले प्रधानमन्त्री पदको बाँडफाँट गर्न थालेको भन्दै आपत्ति जनाए।
उनले वर्तमान संविधान र व्यवस्थाले देशलाई दुर्घटनाबाट जोगाउन नसक्ने दाबी गर्दै देश जोगाउन चुनावअघि नै राजा, राजनीतिक दल, जेनजी युवा र अन्य सरोकारवालाको सहभागितामा सम्मेलन गरी नयाँ समझदारी आवश्यक रहेको बताए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
